11 августа 2026 г.
Алматыда Орталық көшеде уақытша көлік қозғалысы шектеледі
Алматы қаласы Бостандық ауданында Орталық көшеде көлік қозғалысы уақытша шектеледі.
Алматы қаласының Бостандық ауданында Орталық көшенің бір бөлігінде көлік қозғалысына уақытша шектеу енгізіледі. Бұл шара орташа жөндеу жұмыстарына байланысты қабылданды.
11 тамызда сағат 20:00-ден 15 тамызға дейін Какімбек Салықов көшесінен Жәңгір хан көшесіне дейінгі учаскеде автокөлік қозғалысы толықтай жабық болады.
Жөндеу жұмыстары жүріп жатқан аумақта ескерту белгілері мен мердігер ұйымның басшысының байланыс мәліметтері бар ақпараттық қалқан орнатылады. Маршруттарыңызды алдын ала жоспарлауды сұраймыз.
Читайте также:
Көлік қозғалысына енгізілетін шектеулер туралы барлық ақпарат @AlmatyJoly Telegram-арнасында, әкімдіктің әлеуметтік желідегі парақшаларында, сонымен қатар 2GIS және «Яндекс Карты» қосымшаларында жарияланады.
Бұл туралы Алматы қаласының Энергетика және тұрғын үй-коммуналдық шаруашылық басқармасының сайтына сілтеме жасай отырып, ЖКХ24 хабарлайды.
Фото: gov.kz
