Астанадағы қоғамдық көлікте жолақы 150 теңге мөлшерінде бекітілді

Астанада 2023 жылғы 1 желтоқсаннан бастап қоғамдық көлікте жолақы тарифін 150 теңге мөлшерінде бекіту ұсынылады. Бұл шешім соңғы жылдары тасымалдаушылардың пайдалану шығындарының айтарлықтай өсуімен байланысты.

2014 жылдан бері жолақы тарифі 90 теңге болғанда, ол тек бір рет қайта қаралды және қазір 110 теңге құрайды. Тасымалдаушылардың негізгі шығындары, мысалы, жанармай, қосалқы бөлшектер, жаңа автобустар және жүргізушілердің жалақысы айтарлықтай өсті. Мысалы, 2014 жылдан бері дизель отынының құны литріне 107 теңгеден 329 теңгеге дейін өсті.

Жүргізушілердің еңбек ақылары да айтарлықтай өсті – 2014 жылы олардың жалақысы 100-150 мың теңге болатын, ал қазір ол автобустың классы мен жұмыс режиміне байланысты 700 мың теңгеге дейін жетеді.

Эксплуатациялық шығындардың өсуіне қарамастан, Астанадағы қоғамдық көлік жаңартылуын жалғастыруда. Соңғы үш жыл ішінде замануи талаптарға сай 1127 жаңа техника бірлігі сатып алынды.

Халыққа әлеуметтік қолдау шаралары әлі де сақталады. Астана қаласы маслихатының 2018 жылғы 29 наурыздағы шешіміне сәйкес, кейбір категорияларға жолақыдан босату түрінде әлеуметтік көмек көрсетіледі. Оларға:

• Ұлы Отан соғысының қатысушылары мен мүгедектері;
• зейнеткерлер;
• көп балалы аналар мен отбасылар;
• мүгедектер мен мүмкіндігі шектеулі балалар;
• саяси қуғын-сүргін құрбандары.

2020 жылғы наурыздан бастап Астанада оқитын 18 жасқа дейінгі балаларға да тегін жол жүру мүмкіндігі берілді.

Тарифтер есептеу әдістемесіне сәйкес жүргізілген есептер бойынша, 2026 жылы бір сапардың орташа есептік құны қолданыстағы жолақыны айтарлықтай асып түседі. Осыған орай, қоғамдық көліктің тұрақты жұмысын қамтамасыз ету және автопаркті одан әрі жаңарту үшін 150 теңге мөлшеріндегі жаңа тарифті белгілеу қажеттілігі туындап отыр.

Фото: gov.kz