Астанада Паралимпиадалық орталық пен «Тарлан» мұз айдынында экологиялық акция өтті

Астанада республикалық «Таза Қазақстан» экологиялық акциясы аясында Паралимпиадалық жаттығу орталығы мен «Тарлан» мұз айдынында экологиялық акция өтті, деп хабарлайды елорда әкімдігінің ресми сайты.

Бұл спорт нысандары – күнделікті дене шынықтыру мен спортқа, оңалту және ерекше қажеттіліктері бар адамдардың белсенді өмір салтын қолдауға арналған әлеуметтік маңызы бар мекемелер.

Акция барысында «Паралимпиадалық жаттығу орталығы» қоғамдық қорының қызметкерлері аумақты тазалау және абаттандыру жұмыстарын жүргізді. Спорт нысандарына жақын орналасқан аймақтар қоқыстардан тазартылып, аумақ ретке келтірілді.

Мұндай экологиялық шаралар қоршаған ортаға жауапкершілікпен қарау мәдениетін қалыптастыруға, қоғамдық орындарда тазалық пен тәртіпті сақтауға, сондай-ақ қаланы көркейтуге бағытталған.

деп хабарлайды ЖКХ24 сайты Астана қаласы әкімдігінің сайтына сілтеме жасап.

Фото: gov.kz