Алматы әкімі Дархан Сатыбалды жаңа пәтерлердің кілттерін иелеріне табыстады

Алматы әкімі Дархан Сатыбалды тұрғын үй жағдайларын жақсартуға мұқтаж және тұрғын үй кезегінде тұрған азаматтарға жаңа пәтерлердің кілттерін табыстады. «Алтынай» тұрғын үй кешені аясында екінші кезеңде 210 пәтер қала тұрғындарының иелігіне берілді.

Іс-шара барысында қала әкімі Қасым-Жомарт Тоқаевтың әлеуметтік саясатындағы маңызды бағыттардың бірі — тұрғын үйге қолжетімділікті арттыру және әлеуметтік әділеттілікті қамтамасыз ету екенін атап өтті.

«Мемлекеттік қолдау ең алдымен шынымен көмекке мұқтаж азаматтарға бағытталуы керек. Сонымен қатар, тұрақты табысы бар еңбекке жарамды тұрғындарға еңбегінің нәтижесімен баспана алу мүмкіндігін беру маңызды», — деді Дархан Сатыбалды.

Алматы әкімдігі «Отбасы банк» АҚ-мен бірлесе отырып, 4 мыңнан астам пәтерді кезең-кезеңімен таратуын жалғастыруда. Бірінші кезеңде 885 пәтер бөлінсе, екінші кезеңде тағы 1 832 пәтер үлестіріледі. Сонымен қатар, «Жұмыс істейтін жастар» бағдарламасы аяқталғанда босатылған 1 мыңнан аса пәтер тұрғын үй кезегінде тұрған азаматтарға беріледі. Тағы 594 пәтер несиелік шарттармен ұсынылады.

Пәтерлерді тарату бойынша конкурстар қыркүйек айының басынан бастап кезең-кезеңімен өтуде. Бұл ретте азаматтардың тұрғын үй кезегіне қойылған күні ескеріледі. Бұл тұрғын үй бөлуді жүйелі және ашық қамтамасыз етуге мүмкіндік береді.

Іс жүзіндегі мемлекеттік қолдау механизмдері аясында төмен табысты азаматтарға жалға берілетін тұрғын үйлер ұсынылады. Ал тұрақты табысы және төлем қабілеттілігі бар тұрғындар үшін несиелік және жеңілдетілген ипотекалық бағдарламалар қолжетімді.

деп хабарлайды ТКШ24 Алматы қаласы әкімдігінің сайтына сілтеме жасап.

Фото: gov.kz