2026 жылдың 8-9 қазаны аралығында Қостанай облысында ҚР Премьер-Министрінің кеңесшісі Зеріпбаев М.М. «ҚазОрталықТКШ» АҚ сарапшыларымен бірге Қостанай, Лисаковск және Жітіқара қалаларының су, жылу жабдықтау және су бұру нысандарын аралады.

Бұл сапардың мақсаты коммуналдық инфрақұрылымды жаңғырту жөніндегі жоспарланған іс-шаралардың жүзеге асырылу барысымен танысу және жұмыстың ағымдағы жағдайын бағалау болды. Сапар барысында жоспарда көзделген іс-шараларды уақытылы және сапалы орындауды қамтамасыз етуге бағытталған тиісті тапсырмалар берілді.

деп хабарлайды ТКШ24 Қостанай облысының энергетика және тұрғын үй-коммуналдық шаруашылық басқармасына сілтеме жасап.

Фото: gov.kz

Алматыда Наурызбай және Бостандық аудандарының шамамен 15 мың тұрғынын сумен қамтамасыз ететін суқұбырлық нысанның жаңартылуы аяқталды. Аталган жұмыс Асқаров көшесі, 33/2 мекенжайында атқарылды. Бұл туралы Алматы қаласы энергетика және сумен жабдықтау басқармасында хабарлады.

Жұмыс барысында екінші көтерілімдегі бес сорғысы бар жаңа сорғы станциясы салынды: үшеуі жұмыс істейді, екеуі резервтік. Сондай-ақ, жалпы көлемі 2 мың текше метр болатын екі таза су резервуары жаңартылды, инженерлік желілер жаңарды және заманауи автоматты бақылау жүйесі орнатылды.

Сонымен қатар, трансформаторлық қосалқы станциясы бар қызметтік үй-жай ғимараты жаңартылды, жаңа бақылау-өткізу пункті салынды, электрмен жабдықтау жүйелері, сыртқы жарықтандыру және қауіпсіздік жүйелері жаңғыртылды.

Объект қазірдің өзінде пайдалануға берілді. Басқарманың айтуынша, атқарылған жаңғырту, суқұбырлық жүйедегі тұрақты қысымды, әсіресе су тұтынуы жоғары сағаттарда, ұстап тұруға және су жеткізіліміндегі үзіліс тәуекелін азайтуға мүмкіндік береді. Бұл жайында ЖКХ24 сайты Алматы қаласы энергетика және сумен жабдықтау басқармасының ресми сайтына сілтеме жасап хабарлады.

Фото: gov.kz